Аймгийн Засаг дарга С.Насанбат 20-н иргэнтэй ганцаарчилж уулзан тулгамдсан асуудлыг шийдвэрлэжээ
Дархан-Уул аймгийн Засаг дарга С.Насанбат 7 хоног бүрийн баасан гарагт 15.00 цагаас иргэдтэй ганцаарчилж уулздаг уламжлалтай. Энэ дагуу өнөөдөр /2018.01.19/ 20-н иргэдтэй уулзаж тулгамдсан асуудлыг шуурхай шийдвэрлэлээ. Иргэд ажлын байр, хүнсний талонд хамрагдах, түлээ нүүрсний тусламж авах, тэмцээн уралдааны зардал, газар, орон сууцны дээвэр засвар, орцны засвар зэрэг асуудлыг хөндөж байсан юм. Эдгээр асуудлуудаас орон гэргүй өрх толгойлсон эмэгтэйг түлээ нүүрсний хөнгөлөлтөд хамруулах, 18 дугаар багт оршин суудаг өндөр настанд түлээ нүүрс олгох, Хөгжлийн бэрхшээлтэй иргэнд ажлын байр, дээвэр засварыг тухайн байрны иргэдтэй хамтран Тохилог хороолол төслийн хүрээнд асуудлыг шийдвэрлэхээр болсон юм.
