📅

"Бизнесээ эхэл" хөтөлбөрт хамрагдсан 200 иргэн гэрчилгээгээ гардан авлаа

🕔 2019/04/10 01:38
Дархан сумаас 2019 онд "Өрхийн үйлдвэрлэлийг дэмжих " зорилт дэвшүүлсэн аж. Үүний хүрээнд "Сум хөгжүүлэх сан"-ийн хөнгөлөлттэй зээлд хамрагдах хүсэлтэй иргэдийн дунд "Гарааны бизнес" төслийн уралдааныг зарласан юм. Өнгөрсөн 2 дугаар сарын 11-ээс 3 дугаар сарын 11-ний хооронд явагдсан бүртгэлийн хугацаанд анх удаа бизнес эрхлэн, шинэ санаагаа хэрэгжүүлэхээр зорьж буй нийт 350 иргэн, аж ахуй нэгж бүртгүүлсэн. Үүнээс огт сургалтад хамрагдаагүй 200 иргэнийг 3 дугаар сарын 12-ноос 4 дүгээр сарын 1-ний хооронд нийт 40 цагийн сургалтанд хамруулж гэрчилгээгардууллаа.
"Дархан Бизнес Инкубатор Төв"-өөс Олон улсын хөдөлмөрийн байгууллагын "Бизнесээ эхэл, Бизнесээ хөгжүүл" хөтөлбөрийн дагуу зохион байгуулсан "Бизнесээ эхэл" хөтөлбөрт хамрагдсан иргэдэд мэргэжлийн багш нар төсөл хэрхэн бичих, гарааны бизнесээ яаж эхлэх зэрэг мэдлэгийг олгож заавар, зөвлөгөө өгчээ. Дараагийн шатанд иргэд, аж ахуй нэгжүүдээс энэ сарын 15-ныг хүртэл төслийн материал хүлээн авч 29-ний өдөр сонгон шалгаруулалтыг явуулах юм. Дархан сумын ИТХ-аас 2019 онд СХС-аас 480 сая төгрөгийг иргэд, ААНБ-д олгохоор баталсан. Батлагдсан төсвийн хүрээнд нийт 30-35 төслийг шалгаруулна. Санхүүжүүлэх зээлийн гэрээг 5 дугаар сарын 3-нд байгуулах ажээ.
скачать dle 12.0

Санал болгох

Сэтгэгдэл бичих

»

Санал асуулга

Таксины үнийг эхний 1 км тутамд 1500, 2 км-ээс 1000 төгрөг болгож нэмсэн нь зөв үү?