📅

Өнжмөл өвс шатаасан тохиолдол торгоно

🕔 2019/04/10 00:47
Энэ онд хуурайшилтийн түвшин өндөр, цаашлаад ногоон бүсэд гал түймрийн дуудлага ихсэх хандлагатай байгаа талаар аймгийн ОБГ-аас мэдээллээ.Тиймээс зуслангийн чиглэл болон гэр хороололд оршин сууж байгаа айл өрхүүд хашааны өнжмөл өвсийг шатааж, ил гал гаргаж иргэд, олон нийтэд хохирол учруулахгүй байхыг анхаарууллаа.
Хэт хуурайшилттай байгаа тул өнжмөл хуурай өвс хурдан шатах, цаашлаад эд өөрийн болон бусдын эд хөрөнгийг шатаах, зусланд гарсан айл өрхүүд ой хээрийн түймэр гаргах эрсдэлтэй тул ийнхүү хог цэвэрлэхдээ ил гал гаргаж өвс, хогоо шатаахгүй байхыг сануулсан.
Хэрэв анхааруулга , сануулгыг эс тоон хог болон өнжмөл өвс шатаасан тохиолдолд Зөрчлийн тухай хууль тогтоомжийн дагуу торгуулийн шийтгэлийн арга хэмжээ тооцож, учирсан хохирол нөхөн төлбөрийг барагдуулж, хариуцлага хүлээлгэх аж. Жил бүрийн 3 дугаар сараас 6 дугаар сар хүртэл хуурайшилтийн үе, ой хээрийн түймэр гарах өндөр эсрдэлтэй байдаг тул аймгийн нутагт дэвсгэрт 6 дугаар сарын 15 хүртэл ойт хээрийн бүсээр аялж зугаалахыг хориглосон ажээ.
скачать dle 12.0

Санал болгох

Сэтгэгдэл бичих

»

Санал асуулга

Таксины үнийг эхний 1 км тутамд 1500, 2 км-ээс 1000 төгрөг болгож нэмсэн нь зөв үү?