📅

Ус түгээх компаниар үйлчлүүлж байгаа бол гэрээ байгуулах журамтай

🕔 2019/04/10 01:04
“Дархан-Ус суваг” ХК 2019 оны гэрээгээ айл өрх, хэрэглэгчидтэй шинэчлэн байгуулж эхэлсэн байна. Тодруулбал холбогдох хууль журамд заагдсанаар ус түгээх компаниар үйлчлүүлж байгаа бол гэрээ байгуулах журамтай ажээ. ”Дархан Ус суваг” хувьцаат компани аймгийн хэмжээнд нийтдээ 13,300 гаруй айл, өрх ААНБ-ыг цэвэр усаар хангадаг аж. Үүний хүрээнд жил бүр айл, өрх, ААНБ-тай гэрээгээ шинэчлэн байгуулдаг байна. Энэ оны шинэчилсэн гэрээ 2019 оны 4-р сарын 1-ний өдрөөс эхлэн 5-р сарыг дуустал байгуулахаар хийхээр ажиллаж байна.
Өнгөрсөн 2018 оны тухайд тус компанид харъяалагддаг 13,300 гаруй айл өрхийн 83 хувь нь гэрээгээ шинэчлэн байгуулсан бол энэ жил 90-ээс дээш хувьд хүргэх зорилттой байгааг Хэрэглэгчийн албаны дарга А.Батболд онцолж байна.Ингэсэнээр тухайн компани алдагдалд орохгүй, айл, өрх, ААНБ-д усны өр үүсэхгүй, гэрээ хийгдээгүйн улмаас компанийн зүгээс үзүүлэх засвар үйлчилгээ зэрэг хийгдэхгүй аж.Орон сууцны зоорийн давхарын инженерийн шугам СӨХ-д харъяалагддаг бол айл өрх дотоод шугамын засвар, гэмтлээ хариуцдаг.Тиймээс шинэчилсэн гэрээг шуурхай хурдан хийх үүднээс хэрэглэгчдэд үйлчлэх төвүүдээрээ дамжуулан хийж байна.
Хуучин Дарханы айл өрхүүд Дархан-Ус суваг ХК-ийн төв байр болон Дархан зах дотор байрлах Нийтийн үйлчилгээний нэгдсэн төв,шинэ Дарханы айл, өрхүүд 12 дугаар багт байрлах Хэрэглэгчдэд үйлчлэх төвөөр гэрээгээ хугацаандаа байгуулах боломжтой аж.
Иргэд, ААНБ-ууд 60 хоногийн хугацаанд гэрээгээ байгуулах боломжтой ч өөрсдийн хайхрамжгүй байдлаасаа болж хугацаа дуусах дөхөхөөр гэрээгээ хийхээр ирж ачаалал үүсгэдэг байна.Тиймээс ачаалал үүсгэж хугацаа сунгахгүй байх тал дээр анхаарч цэвэр ус ашиглах 2019 оны шинэчилсэн гэрээгээ хийхийг Дархан-Ус суваг ХК-аас анхаарууллаа.
скачать dle 12.0

Санал болгох

Сэтгэгдэл бичих

»

Санал асуулга

Таксины үнийг эхний 1 км тутамд 1500, 2 км-ээс 1000 төгрөг болгож нэмсэн нь зөв үү?