📅

Г.Шийлэгдамба Н.Энхбаярын талаар ноцтой баримт дэлгэсэн ил захидал бичжээ

🕔 2016/01/29 17:26


 

Эрүүл мэндийн сайд асан Г.Шийлэгдамба өчигдөр олон нийтэд хандан, өөрийн гараар нэгэн хачирхалтай захидал бичжээ. Тэрээр өнгөрсөн оны аравдугаар сард албан өрөөндөө их хэмжээний авлига авч байгаад, үйлдэл дээрээ баригдсан гэх үндэслэлээр АТГ-т саатуулан шалгагдаж байгаад он солигдохын өмнөхөн батлан даалтад гарсан билээ.

Уг захидалдаа тэрээр Шадар сайд Ц.Оюунбаатар саатуулагдсаных нь дараа ажлаа хүлээлгэн өгөх хүсэлт бүхий бланкан дээр хүчээр гарын үсэг зуруулсан гэжээ. Улмаар албан өрөөнөөс нь олдсон их хэмжээний доллар нь Н.Энхбаярын шахалтаар намынхаа санхүүжилтэд хандивлахаар бусдаас зээлсэн мөнгө байсан гэх тодруулгыг хийсэн байна.


Эл захидлыг бүрэн эхээр нь сийрүүлэн хүргэж байна. 

Олон нийтэд хүргэх ил захидал

Миний бие өмнө нь олон нийтэд хүрсэн ташаа мэдээлэлтэй холбогдуулан доорхи бодит үнэнийг хүргэж байна.  Үүнд:

Миний зүгээс Монгол Улсын Ерөнхий сайдад  хаягласан 2015.11.05 өдрийн ЭМС-ын сайдаас өөрийн хүсэлтээр чөлөөлөгдөх өргөдлийг өөрийн хүсэл эрмэлзлэлээр гаргаагүй бөгөөд Шадар сайд Ц.Оюунбаатарын тавьж байсан шаардлагын дагуу зориуд бичигдэн бэлтгэгдэж ирсэн бланкан дээр гарын үсэг зурахдаа утга агуулгыг нь ухаж ойлгох хугацаа байгаагүйн улмаас холбогдох мөнгийг хувийн хэрэгцээндээ зориулж зээлсэн тухай дурьдагдсаныг анзаараагүй юм.

Чухам бодит байдал дээр юу болсон тухай  дурьдвал холбогдох мөнгийг авсан шалтгаан нь өөрийн албан тушаалын байдлаа ашиглаж, нөлөө үзүүлэх замаар тодорхой компани, аж ахуйн нэгжтэй хийсэн тохиролцооны үүднээс авилгалын сэдлээр хийгдсэн үйлдэл биш юм. Харин МАХН-ын дарга Н.Энхбаярын намын санхүүжилт төвлөрүүлэх тухай шаардсан тулгалтаас шалтгаалж   өөрийн сайн танил болох О.Даваасүрэнгээс дэмжлэг хүсэж байсан хувийн гуйлтаас үүдэлтэй мөнгө байсан юм.  Энэ байдлыг ч тухайн үед уулзсан уулзалтуудад О.Даваасүрэнд дуулгаж байсан болно.

Миний  бие иргэн О.Даваасүрэнгээс дэмжлэг хүсэж авсан мөнгөний 50 000 $-ыг 2015.11.4-ний өдрийн өглөө Н.Энхбаярт МАХН-ын төв байран дахь өрөөнд нь оруулж өгсөн болно. Харин уг өдрийн орой ЭМС-ын Яамны байранд О.Даваасүрэнгийн авчирч өгсөн 120 000 $-ыг мөн намын санхүүжилт болгон МАХН-ын дарга Н.Энхбаярт өгөхөөр тохиролцсон байсан боловч тус өдөртөө АТГ-ын албаны хүмүүст баривчлагдсан юм. Эцэст нь уг асуудал шүүхээр эцэслэн тогтоогдоогүй байхад журмын зарим нөхөд маань бодит үнэнийг илт гуйвуулан ташаа мэдээлэл тарааж байгаад харамсаж байна.

                                           МАХН-ын Ерөнхий нарийн бичгийн

                                           Дарга Г.Шийлэгдамба

скачать dle 12.0

Санал болгох

Сэтгэгдэл бичих

»

Санал асуулга

Таксины үнийг эхний 1 км тутамд 1500, 2 км-ээс 1000 төгрөг болгож нэмсэн нь зөв үү?