“Эрдэнэс Тавантолгой” ХК-ийн ТУЗ уурхайдаа хуралджээ
"Эрдэнэс Таван толгой” ХК-ийн ТУЗ-ийн хурал энэ сарын 22-23-нд Өмнөговь аймгийн Цогтцэций суманд байрлах уурхайд болсон байна.
Тус компанийн ТУЗ-ийн дарга У.Бямбасүрэн. Гүйцэтгэх захирал Л.Ариунболд, Үйлдвэрлэл эрхэлсэн Тэргүүн дэд захирал Б.Ганхуяг, Уурхайн даргын үүргийг түр орлон гүйцэтгэгч Б.Мөнхбаатар, Захиргаа Удирдлага хариуцсан газрын захирал Ө.Сумъяабаатар оролцжээ.
Энэ үеэр уурхайн ажилтнууд "...Цалин хэзээ нэмэх вэ” гэсэн асуудлыг түлхүү тавьсан байна. "Эрдэнэс Тавантолгой” ХК-ийн гүйцэтгэх захирал Д.Ариунболд Амласан бол хийх ёстой” гэсэн зарчим баримтлан ажиллаж байгаагаа хэлээд "Цалин нэмэх журам баталж, инфляцын түвшинтэй уялдуулан нэмэх тухайд судалгаа явуулж Захирлын зөвлөлийн хуралд оруулж ирэхийг үүрэгдсэн” гэжээ.
Мөн компанийн удирдлагууд ажилчдынхаа нийгмийн асуудалд анхааран 350 хүний угсармал орон сууцыг ирэх жилээс уурхайн хотхонд байгуулах, орон сууцны хөнгөлөлттэй хөтөлбөрт хамруулах талаар судалгаа хийх ажлын хэсэг байгуулснаа дуулгажээ.
Б.БАЯР, ЗУУНЫ МЭДЭЭ
