Нэр дэвшүүлэх хугацааг 14 хоногоор хойшлуулна

 Сонгуулийн тухай хуулийн зарим заалт Үндсэн хууль зөрчсөн тухай Цэцийн дүгнэлтийг лхагва гаригийн чуулганы хуралдаанаар үргэлжлүүлэн хэлэлцэнэ. Сонгуулийн тухай хуульд зааснаар нам, эвслүүд энэ сарын 5 буюу ирэх пүрэв гаригаас нэр дэвшигчдээ тодруулах юм. Гэвч хуулийг нэг мөр болгоогүйгээс нэр дэвшүүлэх ажиллагааг хойшлуулахаар болжээ.

Тодруулбал, хуульд өөрчлөлт оруулж 14 хоногоор хойшлуулахаас өөр аргагүй гэдгийг УИХ-ын дарга З.Энхболд баасан гаригийн чуулганы хуралдааны үеэр онцлов. Цэцийн дүгнэлттэй холбоотойгоор Сонгуулийн тухай хууль болон холбогдох бусад хууль, тогтоолд нэмэлт, өөрчлөлт оруулах төслүүдийг Төрийн байгуулалтын байнгын хороогоор нөгөөдөр хэлэцэхэр төлөвлөжээ.