Пёнчан-2018: Цагаан олимпийн нээлтийн торгон агшнууд
Ази тивд гурав дахь удаагаа, тэр дундаа Солонгосын хойгт анх удаа болж буй "Пёнчан-2018” өвлийн олимп албан ёсоор хөшгөө эхэллээ. Хоёрдугаар сарын 9-25-ны хооронд БНСУ-ын Пёнчан хотод зохион байгуулагдах 23 дахь удаагийн өвлийн олимпод 92 орны 2952 тамирчин 15 спортын 102 төрөлд багц медалийн төлөө 16 хоногийн турш хурд, хүч, авхаалж самбаагаа сорин өрсөлдөнө.
Эквадор, Эритреа, Косово, Малайз, Нигери, Сингапур зэрэг улс анх удаагаа өвлийн олимпод оролцох гэж байгаа бол уулын цанын багийн төрөл, кёрлингийн холимог хос, тэшүүрийн бөөн гараа, сноубордын "Big Air” гэсэн дөрвөн шинэ төрөл өвлийн олимпийн хөтөлбөрт багтсанаараа онцлог юм. Пёнчаны өвлийн олимпийн нээлтийн арга хэмжээний ерөнхий найруулагчаар Сун Сын Хонь, уран сайхны найруулагчаар Ян Жун Вон ажиллаж нээлтийн жүжигчилсэн тоглолтод 2000 хүн оролцлоо.
Уламжлал ёсоор олимпийн өлгий нутаг Грекийн баг хамгийн түрүүнд орж ирсэн. Жагсаалаар орж ирж буй улсууд Солонгосын хангил цагаан толгойн дарааллаар Африк тивийн Гана улсаар эхэлж, дараа нь Нигери, Өмнөд Африк, Нидерланд улсын баг тамирчид орж ирсэн бол хамгийн сүүлд хоёр Солонгосын нэгдсэн баг тамирчид жагслаа. "Пёнчан 2018” өвлийн олимпийн наадмын торгон агшны нэг бамбар асаах хүндэт үүргийг Олимпийн алт, мөнгөн медальт, дэлхийн хошой аварга, тус наадмын албан ёсны төлөөлөгч Ким Юнад амжилттай гүйцэтгэв.
Эх сурвалж: www.polit.mn
