Дархан-Уул аймгийн засаг дарга хоёр орлогчтой ажиллана
Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 30 дугаар зүйлийн 30.1.2 дахь хэсэгт зааснаар аймгийн Засаг даргын орлогчийг томилох асуудлыг аймгийн Засаг дарга, аймгийн ИТХ-ын Тэргүүлэгчидтэй зөвшилцдөг.
Тэргүүлэгчдийн хуралд аймгийн Засаг дарга С.Насанбат ИТХ-ын төлөөлөгч Т.Ганболд, А.Түвшинбат нарыг Засаг даргын орлогчоор томилох санал оруулсан бөгөөд энэхүү саналыг Тэргүүлэгчид дэмжлээ. Хурлын үеэр аймгийн Засаг дарга С.Насанбат: "Монголын ард түмэн МАН-д их итгэл найдвар хүлээлгэсэн энэ цаг үед аймаг орон нутгийн хөгжлийг урагшлуулах ажлыг эрчимжүүлэхэд туршлагатай, мэргэшсэн боловсон хүчин нэн шаардлагатай” гэв.Аймгийн засаг даргын 2 орлогч нь үйл ажиллагааны үүрэг чиглэлийн хувьд давхцахгүй ба нийгмийн хөгжлийн бодлого, үйлдвэрлэл дэд бүтэц гэсэн чиглэлүүдийг дагнан хариуцан ажиллах юм байна.
darkhan.gov.mn
