Нүүрэндээ үрчлээгүй болох амархан аргууд
- Үрчлээ гэж юу вэ? Мэдээж хэрэг үрчлээ бол бидний арьс муудаж хөгширч байна гэсэн үг. Иймд үрчлээний эсрэг нэн даруй шуурхай тэмцэл хийх хэрэгтэй.
- Унтахаас 3 цагийн өмнө хийх халуун жин үрчлээний эсрэг сайн арга болдог. Нүүрээ хүйтэн давсны уусмалаар байнга арчиж бай (нэг стакан усанд хагас цайны халбага давс хийнэ). Унтахаас өмнө давстай тосоор нүүрээ тосолбол сайн. Тосноос бага зэрэг тасалж аваад өөр саванд, эсвэл шилэн саванд хийгээд цайны халбаганы гуравны нэг хэмжээтэй давс хийгээд холино. Хурууныхаа үзүүрээр нүүр болон хүзүүндээ түрхэнэ. Өглөөдөө нүүрээ лосьон, эсвэл балжингармын хандаар арчаарай.
- Дараа нь өдрийн тос түрхээд өөрийн арьсан тохирох энгэсэгээ тавина. Нүүрээ хамгаалалгүйгээр гадагшаа гарах хэрэггүй. Өдөр болгон таван минут орчим нүүрээ хуруугаарай хөнгөн тогших маш сайн. Мөн үрчлээний эсрэг маск хэрэглэ.
Өндөгтэй нимбэгний маск: Нэг
ширхэг өндөгний цагаан дээр хагас нимбэгний шүүс нэмээд хурууны
үзүүрээр давс цацаад сайтар холино. Нүүрэн дээрээ түрхээд 15-20 минутын
дараа угаана.
Өндөг, гурилны маск: Өндөгний
шар эсвэл цагаан дээр 1 цайны халбага зөгийн бал, 1 хоолны халбага
гурил нэмнэ. Бүгдийг сайтар хутгаад нүүр болон хүзүүн дээрээ түрхэнэ.
15-20 минутын дараа бүлээн усаар угаана.
Дрожж буюу исгэгчний хольцтой маск: 25
г дрожж аваад сүүг эсвэл ургамалын тосыг цөцгий шиг өтгөн болтол нь
нэмнэ. Нүүр болон хүзүүн дээрээ түрхээд 15-20 минутын дараа бүлээн усаар
угааж арилгана.
Нимбэгний тослог маск: 6-7
г тослог тосон дээр 1 цайны халбага нимбэгний шүүсийг дусал дуслаар
нэмээд, мөн хагас цайны халбага цөцгий эсвэл майонез нэм. Бүгдийг холиод
нүүрэн дээрээ түрхэнэ. 20-25 минутын дараа нүүрээ угаагаарай.
Хуурай болон үрчлээтэй арьсанд маск тавихаасаа өмнө нүүр болон хүзүүгээ сайтар угаагаад тос түрхэснийхээ дараа маскаа тавиарай. Хэрэв маскны чинь орцонд тос орж байвал тос түрхэх хэрэггүй.
Нүд: Нүдний
эргэн тойрны арьсыг онцгойлон арчлах хэрэгтэй. Нүдний доор хүнхэр
үүсдэг нь нойр дутагдсанаас болдог. Мөн нас ахих тусам арьс сунаж, уян
хатан чанараа алдан нүдний доорхи арьс унжиж уут үүсдэг.
Зовхины хөх толбыг төмсний маскаар арилгах арга: Арилгасан түүхий төмсийг зутан болтол нь үрнэ. Зутангаа марланд хийж ороогоод нүдэн дээрээ тавьж 20 минутын болгооод угаана.
Нүдний доор уутанцар үүсвэл: Арилгасан
төмсийг зутан болтол үрээд 1 цайны халбага гурил, 2 цайны халбага
сүүтэй хольж хутгана. Зутангаа хоёр салфетка дээр зузаан түрхээд нүдэн
дээрээ тавина. 20 минут байлгаад угаана.
Хүйтэн цай: Цайгаар нүдээ угаагаад тос түрхэнэ. 10 минутын дараа илүүдэл тосыг арчиж авна.
Луувангийн маск: Арилгасан
лууванг маш жижиг болгож үрээд зутан болгоно. Зутангаа марлан дээр
хэдэн давхар түрхээд нүдэн дээрээ түрхэнэ. 15 минутын дараа аваад нүдээ
цайгаар угаана.
Нүднийхээ доод талд цөцгий түрхээд 15 минутын дараа хүйтэн цайгаар угаах нь маш сайн.
Ээдэмний маск: 3
цайны халбага ээдэм дээр 2 цайны халбага зөгийн бал нэмээд холино. Тос
шиг юм үүсэх ба үүнийгээ нүднийхээ доор түрхээд 25 минутын дараа сүүгээр
арилгана.
Ээдэмний
жин. 2 цайны халбага шинэхэн ээдэм дээр 1цайны халбага сүү нэмээд
марланд боож нүдэн дээрээ тавина. 15 минутын дараа хүйтэн цайгаар
угаана.
Хатаасан укропны жин: 2
цайны халбага хатаасан укроп дээр хагас стакан буцалсан ус нэмээд 15-20
минут тавь. Дараа нь хөвөнд шингээгээд нүдэн дээрээ 20 минут тавиад
угаана.
Уруул арчлах макс: Цөцгийн
тосыг бага зэрэг халаагаад дээр нь цайны халбаганы тал хэртэй какао
нэмж сайтар хутгана. Минут орчим буцалгаад, дараа нь хөргөн уруул дээрээ
түрхээд 30 минут байлгана. Ингээд бүлээн усаар угаана.
Урууланд ургамлын тос, зөгийн бал, шинэ цөцгий түрхэж болно.
Уруулаа эрүүл өнгөтэй байлгахын тулд орой болгон сойзоороо массаж хийх хэрэгтэй. Ийм массажны дараа зөгийн бал түрхэх хэрэгтэй.
Духны үрчлээг арилгах: Духан
дээр чинь үрчлээ гарсан бол давсалсан өргөст хэмхээр маск тавина. Дараа
нь голоос нь баруун тийш, дараа нь зүүн тийш арчаарай.
Өндөгний цагааныг гурван удаа түрхэх: Эхний удаа түрхээд хатахаар нь ахиад түрх. Гурав дахь удаагаа түрхсэний дараа бүлээн усаар угаана. Энэ арчилгааг нүүрэн дээр үрчлээ гарсан үед ч гэсэн хэрэглэж болно.
http://letter.everyday.mn/content/read/78337.htm
