Аймгийн Засаг даргын тамгын газраас чөлөөнд гарсан ахмадууддаа хүндэтгэл үзүүллээ
Дархан-Уул аймгийн Засаг даргын тамгын газраас чөлөөнд гарсан ахмад настнуудаа 2018 оны 02 дугаар сарын 23-ны 15.00 цагт аймгийн ЗДТГ-ын хурлын танхимд аймгийн удирдлагууд хүлээн авч хүндэтгэл үзүүллээ. Энэ үеэр аймгийн удирдлагууд ахмадын жилийн хүрээнд хийх ажлынхаа төлөвлөгөөг танилцуулж цаашид хийхээр төлөвлөсөн ажлаа тайлагнасан юм. Мөн ахмад настнуудынхаа алтан сургаалыг сонсож цаашдын ажилдаа хэрэгжүүлж ажиллахаар болсон юм. Энэхүү уулзалтын үеэр аймгийн Засаг даргын тамгын газраас чөлөөнд гарсан ахмад настнууддаа "Ахмад ажилтан” үнэмлэхийг хэвлүүлэн өгөхөөр болсонд ахмадууд баяртай байлаа.
