Гэрэгэ бондын тал мөнгө нь орж иржээ

Гэрэгэ бондын 800 сая ам.долларын 400 сая ам.доллар нь Монголбанкны дансанд энэ сарын 2-нд мөн Азийн хөгжлийн банкны санхүүжилт болох 100 сая ам.доллар төв банкны дансанд шилжиж иржээ. Ингэснээр төв банкны валютын нөөц хоёр тэрбум ам.долларыг давсан аж.

Монголбанкны ерөнхийлөгч Н. Баяртсайхан өмнө нь УИХ-аар 2018 оны Мөнгөний бодлогыг хэлэлцүүлэх үеэрээ "Одоогоор төв банк 1.7 тэрбум ам.долларын нөөцтэй болсон. Оны төгсгөл рүү валютын нөөцийг нэмэгдүүлж, хоёр тэрбумд хүргэх зорилт тавьсан. Ирэх онд валютын ханшийг тогтвортой барих боломж бүрдэж байна” гэжээ.

Ц.БАЯР, ЗУУНЫ МЭДЭЭ

скачать dle 12.0