Заанууд Танзанийн таван тосгоныг довтолжээ
Танзанийн хойд хэсэгт 40 гаруй заан таван тосгоныг довтолжээ. Энэ тухай орон нутгийн засаг захиргааны түшмэлийн мэдээллийг иш татан Синьхуа агентлаг мэдээллээ.
Орон нутгийн эрх баригчдын мэдээлснээр, хэдхэн цагийн дотор тэдгээр заанууд үр тарианы 43 орчим га газрыг дэвслэн хаясан ба ургац авах ямар ч найдваргүй болжээ.
Заануудын довтолгоо хүмүүсийн дунд асар их үймээн гарч сандрахад хүргэсэн байна. Одоогоор энэхүү дайралтад хүн өртсөн эсэх тухай мэдээлэл алга байна.
М.Баяр
