“Ан амьтад ба сор үзмэрүүд ” үзэсгэлэн нээлтээ хийв

Дархан–Уул аймгийн музей нь Байгалийн Түүхийн музейтэй хамтран ажиллах гэрээтэй. Уг гэрээний дагуу Байгалийн Түүхийн музейн арвин сан хөмрөгөөс танин мэдэхүйн ач холбогдолтой шинэлэг үзэсгэлэнг Дарханчуудын хүртээл болгох ажлыг аймгийн музейн хамт олон санаачилсан байна.

"Ан амьтад ба сор үзмэрүүд” үзэсгэлэн манай хотод 3 сарын туршид үргэлжилнэ.Уг үзэсгэлэнд Монгол орны ховордсон ан амьтад, Африкийн арслан, Австралийн имж, Өмнөд америкийн лам гөрөөс, хойд туйлын оцон шувуу зэрэг амьтдын ховор үзмэрүүдийг дэлгэн тавьжээ.

Том хүн 1500, ЕБС-ийн сурагч 800, хүүхэд 500 төгрөгөөр үзүүлж байна.